Hamidjon Aktamov: G‘alabani qo‘ldan chiqardik

Superliga 28-turidan o‘rin olgan “Qizilqum” – “So‘g‘diyona” (2:2) uchrashuvidan so‘ng mezbonlar ustozi Hamidjon Aktamov quyidagicha fikr bildirdi:

- G‘alabani osongina qo‘ldan chiqardik. Jizzax jamoasi bugun juda yaxshi himoyalandi. Uyda o‘ynaganimiz sabab ko‘proq hujum qilishga urindik. Ko‘plab vaziyatlarni golga aylantira olmadik.

“So‘g‘diyona”ga keyingi o‘yinlarda omad tilayman. Endi biz ham kelasi o‘yinlarga e’tiborni qaratamiz. Hali 7-pog‘onani band etishga imkoniyatimiz bor, - dedi mutaxassis.