Bugun Doston Yoqubov jahon chempionligi uchun supaga chiqadi

Turkmaniston poytaxti Ashxobod shahrida og‘ir atletika bo‘yicha jahon chempionati davom etmoqda. Bugungi dasturidan o‘rin olgan bellashuvlar orasida terma jamoamiz sharafini jahon chempioni, Osiyo o‘yinlarining kumush medali sohibi Doston Yoqubov himoya qiladi. 

-67 kg vazn toifasida bahs olib boradigan polvonimiz Toshkent vaqti bilan 14:30 da o‘z ishtirokini boshlaydi. Eslatib o‘tamiz, yurtdoshimiz o‘tgan yili Anaxaymda o‘tgan jahon chempionatida -69 kg vazn toifasining siltab ko‘tarish yo‘nalishida oltin medalni qo‘lga kiritgan edi.