“Yuventus” va “Inter” Shomurodov jamoasi o‘yinini nega diqqat bilan kuzatmoqda?
“Jenoa” doim grand klublar e’tiborini o‘ziga tortib keladi. Sababi bu jamoa iste’dod egalarini topishni va tarbiyalashni biladi.
Ayni paytda A Seriya grandlari “Yuventus” va “Inter” genuyaliklar yarim himoyachisi Nikolo Rovellaning imkoniyatlarini o‘rganish uchun “Jenoa”ning o‘yinlarini diqqat bilan kuzatib bormoqda.
Har ikki grand 18 yoshli futbolchini qishki transferlar vaqtida sotib olish uchun “Jenoa”ga rasmiy taklif tayyorlamoqda.
“Yuventus” va “Inter” singari katta klublarning “Jenoa”ning o‘yinlarini kuzatishi Eldor Shomurodov uchun ham bir imkoniyat. Hamyurtimiz yangi chempionatga imkon qadar tezroq moslashib, uchrashuvlarda gollari bilan o‘zini ko‘rsatishi kerak.
Fikrlar