Яхшибоев собиқ жамоасининг энг яхши футболчиси!

Ҳамюртимиз Жасурбек Яхшибоев учун бу мавсум жуда омадли келди. Беларусь чемпионатида жавлон ураётган легионеримиз биринчи бўлиб, "Энергетик-БГУ" сафида анча муваффақиятли ҳаракат қилди.

Кўрсатган ёрқин ўйинлари самараси ўлароқ, футболчимиз жамоа мухлисларида яхши таассурот қолдирди. Минскликларнинг энг яхши легионери сифатида эътироф этилган Жасурбек яна бир номинация бўйича ғолиб бўлди. Мухлислар талқинига кўра, Яхшибоев мавсумнинг энг яхши футболчиси, деб топилди.