Холанд келди, у эса кетмоқда

Ҳужумчи Габриеэл Жезус "Манчестер Сити"ни тарк этишга яқин турибди. 

Таниқли инсайдер Фабрицио Романонинг берган хабарига кўра, "шаҳарликлар" ўз футболчиси трансфери борасида оғзаки келишувга эришган. 

"Арсенал" бразилиялик голеадор учун 45 миллион евро ва бонус таклиф қилди. Айни вақтда "канонирлар" Жезуснинг шартномасини муҳокама қилмоқда. 

Ўтган мавсум Габриэл АПЛнинг 28 ўйинида майдонга тушиб, 8 бора рақиб дарвозасини ишғол қилган.