"Вулверхэмптон" "Ньюкасл"нинг ҳужумчи бўйича юборган икки таклифини ҳам рад этди

"Ньюкасл" "Вулверхэмптон" футболчиси Йёрген Странн Ларсенни сотиб олиш учун иккинчи уринишни амалга оширди. Бу ҳақда "Express & Star" хабар бермоқда.

"Ньюкасл"нинг 57,8 миллион евролик биринчи таклифи рад этилгандан сўнг, "қарғалар" 63,6 миллион евролик янги таклифни юборди. "Вулверхэмптон" яна рад жавобини берди ва ўйинчини ўз сафида сақлаб қолишга қатъий эканлигини таъкидлади.

Норвегия миллий терма жамоасининг 25 ёшли футболчиси ўтган йилдан бери "Вулверхэмптон" сафида ўйнамоқда. У Испаниянинг "Селта" жамоасидан 27 миллион еврога келиб қўшилган эди. Шу вақт мобайнида у 41 та ўйин ўтказиб, 16 та гол урди ва 5 та голли узатмани амалга оширди.