Vladimir Bubanya Superliga klubi bilan shartnoma imzoladi

Urganchning “Xorazm” klubi yangi mavsum uchun tayyorgarligini davom ettiryapti. Tarkib ham Superligaga moslashtirib tuzilyapti.

Yaqinda jamoa safiga serbiyalik himoyachi Vladimir Bubanya qo‘shildi.

Bilasiz, u oxirgi uch mavsumni “Andijon” safida o‘tkazdi. 2024 yilgi mavsumda Bubanya “Andijon” safida 30 ta uchrashuvda maydonga tushib 5 ta gol urdi va 3 ta golli uzatmani bajardi. Shartnomasi yakunlangach esa "Burgutlar" bilan xayrlashgandi.

Bubanya yaqinda “Xorazm”ning mashg‘ulotiga qo‘shildi va klub bilan shartnoma imzolaganligi ma’lum bo‘ldi.