Тезкор! "Вильярреал" "Барселона" собиқ бош мураббийини олиб келади

"Барселона"нинг собиқ мураббийи "Вильярреал"га келиши кутиляпти. 

"Сариқ сув ости кемаси" жамоадан кетган Унаи Емери ўрнини зудлик билан тўлдирмоқчи ва бу Кике Сетьен бўлиши мумкин. Испан клуби ушбу трансферни тезроқ амалга оширишни истамоқда. Мутахассиснинг ўзи ҳам "Вильярреал"да ишлашни хоҳлайди, дея хабар бермоқда инсайдер Фабрицио Романо.

Сетьен 2020 йилдан буён эркин агент мақомида. 64 ёшли мураббий шу пайтгача, Испанияда "Барселона, "Реал Бетис" ва "Лас-Палмас" каби жамоаларини бошқарган.