Тедди Атлас: "Усикнинг фильми бахтли якун топиши учун фаолиятини тугатиши керак"

Машҳур америкалик бокс мураббийи Тедди Атлас украиналик чемпион Александр Усикнинг келажаги борасида фикр билдириб, унга фаолиятини якунлаш ҳақида ўйлашни маслаҳат берди.

"Мен жуда кўп аччиқ мисолларни гувоҳи бўлдим. Муҳаммад Алини ап унга ўхшаган бошқа боксчиларни кўрдим. Уларнинг тақдири даҳшатли бўлган. Тарихдаги энг буюк боксчи ҳисобланган Али ҳам фаолиятининг охирида ва ундан кейин соғлигида катта муаммоларга дуч келган. Мен Усик ҳақидаги бу ажойиб филмнинг бахтли якун топишини истайман", — дея Атласнинг сўзларини келтирди "SecondsOut.com" нашри.

Эслатиб ўтамиз, Усик 19 июль куни Даниэль Дюбуани 5-раундда нокаутга учратди.