Shoxruxbek Tursunmaxammatov AQSh ochiq chempionati g‘olib bo‘ldi!

Joriy yilning 9-14 iyul kunlari Texas shtatida karate bo‘yicha bo‘lib o‘tgan AQSh ochiq chempionatida iqtidorli sportchimiz Shoxruxbek Tursunmaxammatov -75 kg vazn toifasida yakka tartibda kumite bahslarida barcha raqiblarini mag‘lubiyatga uchratgan holda oltin medalga sazovor bo‘ldi.

E’tiborlisi, vakilimiz jamoaviy kumite bahslarida ham g‘oliblikni qo‘lga kiritdi. Ma’lumot uchun, Shoxruxbek Tursunmaxammatov 7 yoshidan buyon karate bilan muntazam shug‘ullanib keladi.

U o‘tgan davr mobaynida 10 karra O‘zbekiston va ikki karra Markaziyo Osiyo chempioni, shuningdek, Osiyo chempionati va qator xalqaro musobaqalar sovrindori hisoblanadi.