Сауль "Канело" Альварес ва Теренс Кроуфорд жанги олдидан супер натижа қайд этилди

UFC президенти Дана Уайтнинг маълум қилишича, америкалик Теренс Кроуфорд ва мексикалик Сауль "Канело" Альварес ўртасидаги чемпионлик жангини томоша қилиш учун сотилган билетлар йиғиндиси бокс тарихида учинчи натижани қайд этди. Ушбу супер-жанг 14 сентябрь куни Лас-Вегасда бўлиб ўтади.

"Бу жанг бокс тарихида сотилган билетлар бўйича учинчи ўринда турибди. Бу ҳайратланарли ва сюрреалистик ҳолат", — деди Уайт "KSNV News 3 Las Vegas" телеканалига берган интервьюсида.

Эслатиб ўтамиз: рекорд - Флойд Мейвезер ва Мэнни Пакьяо жангига тегишли бўлиб, билетлардан тушган даромад 72,2 миллион долларни ташкил этган. Иккинчи ўринда эса Флойд Мейвезер ва Конор Макгрегор тўқнашувидир. Ушбу шоу 55,4 миллион доллар даромад келтирган.