Сакаев: Водий дербиси одатдагидек ўтди

"Бугунги ўйинда қайд этилган дуранг натижани қониқарли деб биламан.Одатдагидек, бу сафаги Водий дербиси ҳам шиддатли ва кескин курашлар остида ўтди. Мухлислар айнан шундай ўйин кутишганди. Биз ҳамиша мухлислар учун ишлаймиз, ўйнаймиз.

Ўйиннинг сифати аъло даражада бўлди. Стадионга йиғилган мухлислар ҳақиқий “жанг” гувоҳига айланишди. Рақибимиз кучли эканлигини инкор этиб бўлмайди. Жамоа яхши шаклланган.  Шунга яраша тайёргарлик кўргандик. Лекин хатолар устида ишлашни давом этамиз. “Қўқон-1912” жамоасига омад тилайман.Андижондан ташриф буюрган мухлисларга миннатдорчилик билдираман", - деди Сакаев.