Ҳусанов жамоаси чиқиб кетганидан кейин қайси клуб жаҳон чемпиони бўлиши айтилди

АҚШда ўтказилаётган клублар ўртасидаги жаҳон чемпионатининг нимчорак финал босқичи якунланганидан кейин қолган жамоаларнинг чемпион бўлиш имкониятини таҳлил қилинди.

Абдуқодир Ҳусанов ўйнамаган учрашувда “Манчестер Сити” Саудия Арабистонининг “Ал-Ҳилол” жамоасига 3:4 ҳисобида ютқазиб қўйди. “Шаҳарликлар” жаҳон чемпионлигига асосий даъвогарлардан бири сифатида эътироф этилганди.

Opta Analyst марказининг маълум қилишича, суперкомпьютер чорак финалга чиққан жамоаларнинг чемпион бўлиш имкониятларини алгоритм ва сунъий идрок ёрдамида ўрганиб чиқди.

Унга кўра, “Челси”нинг мусобақада ғолиб чиқиш имконияти энг юқори баҳоланди. Суперкомпьютер таҳлилига кўра, “аристократлар”нинг бош совринни қўлга киритиши 26,8 фоизга баҳоланмоқда.

Иккинчи кўрсаткич, Европа Чемпионлар лигасининг амалдаги ғолиби “Пари Сен-Жермен”га тегишли. Францияликларнинг чемпионлик эҳтимоли 24,9 фоизга тенг. Кучли учликни 16,9 фоиз билан “Реал Мадрид” тўлдирди.

Opta суперкомпьютери Бразилия клублари – “Палмейрас” (3 фоиз) ва “Флуминенсе” (1,5 фоиз) имкониятларини энг паст баҳолади.

Бош совринга асосий даъвогар “Челси” ярим финалга чиқиш учун “Палмейрас” билан куч синашади. Хосеп Гвардиола шогирдларини чемпионатдан чиқариб юборган “Ал-Ҳилол” чорак финалда Бразилиянинг яна бир вакили “Флуминенсе”га қарши саф тортади.

Қолган иккита чорак финал учрашувида Европа вакиллари ўзаро ҳисоб-китоб қилади. “Пари Сен-Жермен” Бундеслига чемпиони “Бавария”ни синовдан ўтказади. “Реал” футболчилари эса, “Боруссия Дортмунд”га қарши майдонга тушади.