Месси Ямалга хат ёзди: Унда нима дейилган?

“Интер Майами” юлдузи Лионель Месси ўзининг собиқ жамоаси “Барселона”да порлаётган Ламин Ямалга қоғозда мактуб ёзди.

Бу ҳолат Adidas бренди рекламасида акс этди. Бу рекламада Месси хат битади ва унда Ямалнинг исми кўринган.

Экспертларнинг тахмин қилишича, Ламин Ямал янги мавсумда Adidas томонидан ишлаб чиқарилган Мессининг бутсаларида ўйнайди.

Бундан ташқари, 17 ёшли футболчи тез орада илгари “Барселона”да Лионель Мессига тегишли  бўлган 10-рақамни ҳам олади. Аргентиналик юлдуз Каталонияни тарк этганидан кейин унинг рақами ўша даврларда порлаб чиққан Ансу Фатига берилган эди.

Кейинчалик Фати оғир жароҳатлар туфайли ўз иқтидорини тўлиқ намойиш қила олмади. 22 ёшли ҳужумкор футболчи “Монако” таклифини қабул қилган. Ламин Ямаль таътилдан қайтганидан кейин Ансу Фатидан бўшаган 10-рақамни олади.