Sabina Suxanova final yo‘llanmasini qo‘lga kiritdi

Hozirgina Tokiodagi Olimpiya stadionida ayollar o‘rtasida T37 klassida 100 metrga yugurish bo‘yicha saralash bahslari bo‘lib o‘tdi.

Hamyurtimiz Sabina Suxanova 13.91 soniya vaqt bilan marraga 4-o‘rinda etib keldi va final yo‘llanmasini qo‘lga kiritdi. Aytish kerakki, Suxanova bugungi saralashda o‘zining mavsumdagi eng yaxshi natijasini qayd etdi.

Eslatib o‘tamiz, Sabina Suxanova ishtirokidagi final bahsi ertaga 2 sentyabr kuni Toshkent vaqti bilan soat 06:37 da boshlanadi.