Роналдунинг дўсти унинг қаерда ўйнамоқчи эканини айтиб қўйди

Испаниянинг  Mundo Deportivo нашри “Манчестер Юнайтед” ҳужумчиси Криштиану Роналдунинг режалари ошкор этилган хабарни эълон қилди.

Роналдунинг дўсти Эду кутилмаганда “Челси”нинг инстаграмдаги саҳифасига аъзо бўлди. Роналдунинг мухлислари Эдунинг “аристократлар”га обуна бўлганини Криштианунинг бу жамоага ўтиши билан боғламоқда.

Чунки Эду бундан бир неча йил муқаддам Роналдунинг “Реал”дан кетишини ва “Ювентус”га ўтишини маълум қилган эди. Аввалига унга ҳеч ким ишонмаган бўлса-да, амалда ҳаммаси у айтганидек бўлиб чиқди.

Таъкидлаш жоизки, “Челси”нинг янги хўжайини Тодд Бёли португалиялик юлдузни жамоага олиб келишни истаяпти. Лекин бош мураббий Томас Тухель бу трансферга қатъий қарши чиқмоқда.