Ronalduga Evropadan qo‘ng‘iroq bo‘ldi

PSJ darvozaboni Keylor Navas “An-Nasr”ga ko‘chib o‘tgan Krishtianu Ronalduga qo‘ng‘iroq qilib, Saudiya Arabistoni jamoasi haqida ma’lumot so‘ragan.  

Ma’lumotlarga qaraganda, “An-Nasr” 36 yoshli darvozabonga og‘iz solmoqda. Navas PSJda birinchi raqamli italiyalik Janluiji Donnarummaga boy berganidan keyin o‘yin amaliyotisiz qolib ketdi.  

Kosta-rikalik golgiper o‘z davrida “Real”da Krishtianu Ronaldu bilan birga o‘ynagan va hamon do‘stona munosabatlarni saqlab qolgan.

Manbalarning ta’kidlashicha, saudiyaliklar tajribali golkiperga uch yillik shartnoma va mo‘may maosh taklif qilmoqda.