Роналду ўзига янги жамоа танлади. Лекин бу клуб мухлислари унга қарши!

“Манчестер Юнайтед” ҳужумчиси Кириштиану Роналду ёзги трансферлар ойнаси ёпилгунича “Атлетико”га ўтишга розилик берди, деб хабар тарқатди Daily Mail нашри.

Роналдунинг келиши ҳақидаги хабар “Атлетико” мухлисларига ёқмаяпти. Чунки португалиялик тўпурар ўз даврида бу жамоанинг ашаддий рақиби – “Реал” шарафини ҳимоя қилган.

Бундан ташқари, “Атлетико” Роналдуга жой очиш учун ҳужум чизиғидаги ўйинчиларидан бирини сотиб юбориши талаб этилади. Айнан мана шу омил ҳам “матрасчилар” фанатларига ёқмаяпти.

Криштиану Чемпионлар лигасида қатнашадиган жамоага ўтишни истаяпти. Бунгача у 15 йил давом узлуксиз Европанинг энг нуфузли турнирида қатнашган ва ҳар мавсум гол уришни уддалаган.