Беллингемнинг отаси ўғли туфайли жанжал кўтарди, клуб қатъий чора кўрди
Германия чемпионатида футбол жамоатчилиги эътиборини тортган воқеа юз берди. Бундеслиганинг биринчи турида “Боруссия Дортмунд” Гамбург шаҳридаги баҳсда “Санкт-Паули” билан 3:3 ҳисобида дуранг ўйнади.
Учрашувнинг танаффусида дортмундликлар бош мураббийи Нико Ковач англиялик легионер Жоб Беллингемни захирага олди.
Bild нашрининг маълум қилишича, бу ҳолат футболчининг отаси Маркнинг ғазабини жумбушга келтирди. У бош мураббий билан юзма-юз гаплашиб, ўғлининг захирага олинганига изоҳ сўрамоқчи бўлди. Марк Беллингем дарғазаб бўлгани ва мураббийга овозини кўтариб, эътироз билдиргани айтилмоқда. Бироқ улар юзма-юз учрашмади.
Шундан сўнг, Марк Беллингем бор эътирозини клуб спорт директори Себастьян Телга айди.
Клуб раҳбарияти бўлиб ўтган воқеадан кейин футболчиларнинг оила аъзолари ва қариндошларини жамоа кийим алмаштириш хонасига яқинлашишини таъқиқлаб қўйди.
Эслатиб ўтамиз, Жоб Беллингемнинг акаси Жуд айни пайтда "Реал" ўйинчиси ҳисобланади. Жуд Беллингем ҳам Мадридга йўл олгунича "Боруссия Дортмунд"да тўп тепган.
Фикрлар