Роналду "Ан-Наср"га мураббий танлади

"Ан-Наср" сардори Криштиану Роналду жамоа учун янги бош мураббий танлади.

Foot Mercato нашри хабар беришича, 40 ёшли португалиялик футболчи мураббийлик лавозимига ватандоши Жорже Жезушни таклиф қилмоқчи. Манба маълумотларига кўра, 40 ёшли Роналду аллақачон Жезуш билан "Ан-Наср"ни бошқариши мумкинлиги ҳақида суҳбатлашган.

Эслатиб ўтамиз, яқинда Криштиану Роналду Ар-Риёд клуби билан шартномасини яна икки йилга, 2027 йилнинг ўрталаригача узайтирди. Матбуот хабарларига кўра, клуб кадрлар масаласида Роналдунинг фикрини инобатга олишга ваъда берган.

Маълумки, май ойида Жорже Жезуш "Ал-Ҳилол" бош мураббийлик лавозимини тарк этган эди.

Эслатиб ўтамиз, яқинда Саудия клуби италиялик мутахассис Стефано Пиоли билан хайрлашганди.