Роберто Карлос Трентга маслаҳат берди

Мадриднинг "Реал" клуби собиқ футболчиси Роберто Карлос Трент Александер-Арнольдга испан тилида қандай сўзларни ўрганиш кераклигини айтиб ўтди.

"Сенга атиги учта сўзни билиш кифоя: "хайрли тонг", "хайрли тун", "дўстим" — ва бўлди", — деди Карлос Александер-Арнольдга "Формула-1"нинг Барселонада бўлиб ўтган босқичида.

Эслатиб ўтамиз, аввалроқ Мадриднинг "Реал" клуби Трент Александер-Арнольд билан эркин агент сифатида шартнома имзолаганини эълон қилганди. Ҳимоячи клуб билан 2031 йилнинг ёзигача мўлжалланган шартномага имзо чекди. Transfermarkt портали 26 ёшли инглиз футболчисининг бозор қийматини 75 миллион евро деб баҳоламоқда.