"Real" yarim himoyachisi sobiq jamoasiga qaytishi mumkin

"Real Madrid" yarim himoyachisi Dani Sebalos o‘zining sobiq jamoasi - "Betis"ga qaytish ehtimoli haqida fikr bildirdi.

- "Betis" - mening uyim. Doimo shunday bo‘lib qoladi. Umid qilamanki, ularning eshiklari men uchun ochiq turadi. Bu hafta kelajagimni muhokama qilishni rejalashtirganman. Hozircha hech qanday uchrashuvlar bo‘lgani yo‘q, - dedi xavbek.

Sebalos "Betis" tarbiyalanuvchisi hisoblanadi. Dani 2014 yildan 2017 yilgacha Sevilya jamoasida to‘p tepgan. 28 yoshli yarim himoyachining "qirollik klubi" bilan amaldagi shartnomasi 2027 yil iyun oyining oxirigacha mo‘ljallangan.