"Реал" собиқ футболчиси Мадридга қайтади

"Тоттенхэм" ҳимоячиси Серхио Регилон Испания Ла Лигасига қайтиши мумкин. Журналист Фабрицио Романонинг хабар беришича, Мадриднинг “Атлетико” клуби “шпорлар” билан трансфер борасида музокара бошлаган.

Футболчининг ўзи ҳам ватанига қайтишга қарши эмас. Аввалроқ Регилон хизматларига "Ноттингем Форест" ва "Лацио" клублари қизиқиш билдиришган. Бу клублар футболчини маошини тўлиқ тўлаган ҳолда сотиб олиш шарти билан ижарага олишга тайёр эди.

Регилон - "Реал" Мадрид тарбияланувчиси. Испаниялик футболчи "Тоттенхэм" бош мураббийи Антонио Контенинг режаларига киритилмаган, шу боис у ўзига янги жамоа изламоқда.