Расман! Ўзбекистон крикет федерацияси Осиё кенгаши аъзолигига қабул қилинди

Жорий йилнинг 23-24 июль кунлари Бангладеш пойтахти  Дакка шаҳрида Осиё  крикет кенгашининг 2025 йилнинг ўтган даврида амалга оширилган ишлар хусусида конгресси бўлиб ўтди.

Шунингдек, мазкур конгрессда крикет бўйича бажарилаётган ишлар сарҳисоб қилинди. Конгресс регламентига мувофиқ, асосан крикет ривожланаётган мамлакатларнинг Осиё крикет кенгашига аъзолик масалалари муҳокама қилинди. Ушбу конгрессга расман таклиф қилинган Ўзбекистон крикет федерацияси раиси Азиз Михлиев ҳам иштирок этиб,  Ўзбекистонда тобора  ривожланиб бораётган крикет спорт турининг бугунги муваффақиятлари хусусида президентация қилди. 

Қувонарлиси, Ўзбекистон крикет федерацияси томонидан Осиё крикет кенгашига аъзолик учун йўллаган аризасини кенгаш аъзолари ижобий кўриб чиқишди ва Осиё крикет кенгашига янги аъзо сифатида расман қабул қилинди ҳамда Ўзбекистонда крикет спорт тури ривожланиш босқичига ўтганлигини эътироф этишди.

Шунингдек, августь ойида ОКК аъзолари мамлакатимизга ташриф буюриши ва ЎКФ фаолияти билан яқиндан танишиш ниятида эканлигини маълум қилди.