Rasman: Ilhom Mo‘minjonov "Neftchi" bilan 4 yillik shartnoma imzoladi

Bugun, 2 yanvar kuni “Neftchi” PFK qarorgohida viloyat hokimi Hayrullo Bozarov tashabbuslari bilan jamoaning yangi bosh murabbiyining tanishtiruv marosimi bo‘lib o‘tdi.

Marosimda viloyat hokimining sport va turizm masalalari bo‘yicha maslahatchisi Hurshid Ahmedov va “Neftchi” klubi rahbari Zohidjon G‘ofurov ishtirok etib, Ilhom Mo‘minjonov “Neftchi” jamoasining bosh murabbiyi etib tayinlanganligi va 4 yillik shartnoma imzolaganligini ma’lum qildi.

Shundan keyin, Ilhom Mo‘minjonov so‘zga chiqib, bor kuchi va tajribasini farg‘onaliklar ishonchini oqlash, jamoaning Superligadagi ishtiroki va salohiyatini qayta tiklashga sarflashini bildirdi.

O‘z navbatida, klub rahbariyati Ilhom Mo‘minjonovga boshlanayotgan yangi futbol mavsumida jamoani yuksak marralar sari etaklashda ulkan muvaffaqiyatlar tiladi.

“Neftchi” FK matbuot xizmati