Португалия Жота ва унинг укасининг ҳотирасига ёдгорлик ўрнатди

Португалия терма жамоаси ўз базасида жамоанинг собиқ ҳужумчиси Диогу Жотага бағишланган ёдгорлик ўрнатди. Монумент 21-рақамли ва йўл транспорт ҳодисасида ҳалок бўлган футболчининг фамилияси битилган либосдан иборат.

Ҳодиса июль ойида Испанияда юз берган. Жота укаси Андре Силва билан бирга ҳайдаб кетаётганда, юқори тезликда ғилдираги ёрилиб, машина ариққа тушиб кетган ва аланга олган.

"Ливерпуль" футболчиси ва унинг ҳамроҳи воқеа жойида жон берган. "Ливерпуль" Жотанинг рақамини бутунлай муомаладан чиқариб ташлади.

Мерсисайдликлар бош мураббийи Арне Слот эътироф этишича, Англия Премьер-лигаси ўйинларидан бирида у ҳужумчини алмаштиришга чиқармоқчи бўлиб, одатдагидек уни захиралар ўриндиғидан кўз билан қидирган экан.