"Neftchi" Rossiya klubi bilan murosa ko‘chasini tanladi

Turkiyaning Antaliya shahrida yangi mavsumga tayyorgarlik ko‘rayotgan "Neftchi" jamoasi 13 yanvardagi birinchi nazorat uchrashuvini 0:0 hisobida durang natija bilan yakunlagan edi.

Ikkinchi nazorat bahs  Rossiyaning "SKA Xabarovsk" jamoasi bilan bo‘lib o‘tdi va ushbu bellashuv 1:1 hisobidagi durang natija bilan yakunlandi.

Uchrashuvdagi birinchi gol rossiyalik Sharl tomonidan kiritilgan bo‘lsa, javob to‘pini "Neftchi"ga yangi kelgan Jasur Jaloliddinov mohirlik bilan raqib darvozasiga yo‘llab hisobni tenglashtirdi.

Bundan keyingi urinishlar natija bermadi. Ikkala tomon uchrashuvni murosa bilan yakunlashga majbur bo‘ldi.

"Neftchi" 1:1"SKA Xabarovsk"

Gollar: Sharl 0:1 12, Jasur Jaloliddinov 1:1 20

"Neftchi" birinchi bo‘lim: Akbar To‘raev, Muhsin Ubaydullaev, Anvar G‘ofurov, Jaloliddin Jumaboev, Mirzoxid G‘ofurov, Abbos G‘ulomov, Sanjar Qodirqulov, Javoxir Qaxramonov, Jasur Jaloliddinov, Shoxruz Norxonov, Bilolxon Toshmirzaev.

Ikkinchi bo‘limda: Sanjar Quvvatov, Doniyor Valiev, Boyan Tsiger, Shoxrux Yoqubjonov, Mirzoxid G‘ofurov, Abbos G‘ulomov, Diyor Turopov, Muhammadali Xolmatov, Muxsin Bozorov, Bilolxon Toshmirzaev, Bexruz Oblaqulov.

"Neftchi" matbuot xizmati.