Ndombelening "Tottenxem"ga o‘tishi aniq bo‘ldi

"Lion" klubi yarim himoyachisi Tangi Ndombele tez orada "Tottenxem" futbolchisiga aylanadi. Bu haqda L'Équipe nashri xabar tarqatmoqda.

Yuqoridagi manbaaga qaraganda klublar ushbu transfer yuzasidan o‘zaro kelishuvga erishishgan. Unga ko‘ra “shporlar” 22 yoshli futbolchi uchun 60 mln evro to‘lashadi. Shuning 10 millioni bonus sifatida qayd etiladi.

Ma’lumot uchun, Ndombele o‘tgan mavsum “Lion” safida 49ta uchrashuvda maydonga tushdi va o‘z hisobiga 3ta gol yozdirib qo‘yishga erishdi.