"Наполи" Осимхен бўйича "Ливерпуль"га шарт қўйган эди. Бироқ...

Италиянинг "Наполи" клуби Виктор Осимхеннинг трансфери бўйича улкан талаб билан чиқди. 

"Topskills Sports" нашрининг хабарига кўра, неаполликлар "Ливерпуль"дан бир вақтнинг ўзида икки футболчи — Дарвин Нуньес ва Федерико Кьезани, шунингдек, 20 миллион евро компенсация талаб қилган.

Бироқ, манбанинг таъкидлашича, мерсесайдликлар бу талабни ўйлаб ўтирмай рад этган. Англияликларнинг фикрича, ҳатто фақатгина Нуньеснинг ўзи Осимхен трансферига тенг келади ва бундан ортиқ қўшимча бериш ниятида эмаслар.

Шу билан бирга, "Ливерпуль" клуби Викторнинг шартномасидаги 75 миллион еврога тенг бўлган тўловни амалга оширишга ҳам тайёр эмас. Бу сумма унинг келишувида жорий қилинган мафкуравий чиқиб кетиш тўлови ҳисобланади.

Маълумот ўрнида, 26 ёшли нигериялик форвард ўтган мавсум Галатасарай таркибида 41 та учрашувда иштирок этиб, 37 та гол ва 8 та голли узатмани ўз ҳисобига ёздириб қўйган. Уругвайлик ҳужумчи эса 47 та беллашувда майдонга тушиб, 7 та гол ҳамда, 7 та ассистни ўз ҳисобига ёздириб қўйган.