Namangan shahrida MMA bo‘yicha professional janglar o‘tkazilmoqda. Ilk g‘olib aniqlandi

Ayni daqiqalarda Namangan shahrida O‘zbekiston MMA assotsiatsiyasi Namangan viloyati bo‘limi hamda viloyat hokimiyati sha’feligida jang kechasi tashkil qilingan. Yanada aniqroq qilib aytadigan bo‘lsak, MMA bo‘yicha havaskorlar o‘rtasidagi saralash turniri finali bilan birga professional janglar ham tashkil etildi. Bu yo‘nalishda ham faqat Namangan viloyatilik jangchilar ishtirok etmoqda.

Ushbu profilar o‘rtasidagi ilk to‘qnashuv -70 kg vazn toifasida Zuhriddin Xolmatov hamda Sardorbek Ubaydullaev o‘rtasida bo‘lib o‘tdi. Mazkur to‘qnashuvda hakamlarning yakdil qaroriga ko‘ra, Zuhriddin Xolmatov g‘alaba qozondi.

Jang kechasi davom etmoqda. Natijalardan boxabar qilib boramiz. Bizni kuzatishda davom eting!