Мюллер – сўнгги 7 йилнинг энг зўр ассистенти!

Ҳозирда МЛСнинг "Ванкувер Уайткепс" клубида тўп сураётган германиялик футболчи Томас Мюллер Европанинг бешта етакчи лигасида сўнгги етти йил давомида энг кўп голли узатма берган ўйинчилар рўйхатида биринчи ўринни эгаллади.

Мюллер ўзининг деярли бутун фаолиятини "Бавария"да ўтказган ва бу муддат ичида 246 ўйинда жамоадошларига 101 та голли пас узатган.

Иккинчи ўринни "Манчестер Сити" ярим ҳимоячиси Кевин Де Брюйне эгаллади — у 230 ўйинда 91 марта ассистентлик қилган. Учинчи поғонада эса "Ливерпуль" ҳужумчиси Муҳаммад Салоҳ жой олди — 295 баҳсда 88 голли узатма.

Шунингдек, топ-10 таликка қуйидаги футболчилар ҳам кирди:
Лионель Месси (85 та пас / 196 ўйин),
Йозуа Киммих (70 / 251),
Лерой Сане (64 / 217),
Трент Александр-Арнольд (64 / 252),
Сон Хён Мин (64 / 271),
Юлиан Брандт (62 / 261)
ва Антуан Гризманн (62 / 286).