Mino Rayola: "Real"ning Pogbaga qiziqqani rost, ammo...

“Manchester Yunayted” klubi xavbeki Pol Pogbaning agenti Mino Rayola mijozining jamoadan ketishi mumkinligi haqida tarqalgan xabarlarga o‘z munosabatini bildirib o‘tdi.

“Pogba muvaffaqiyatga erishishni, baxtli bo‘lishni va sovrinlar yutishni xohlaydi. U bularni “Manchester Yunayted” safida amalga oshirmoqchi. Ha, “Real” Madrid tomonidan Pogbaga jiddiy qiziqishlar bo‘ldi, ammo, “qizil iblislar” uni qo‘yib yuborishmadi”, - deydi agent.

Eslatib o‘tamiz, bundan avvalroq MYu bosh murabbiyi Ule-Gunner Sulsher ham Pogba qishki transferlar davrida sotilmasligi haqida gapirib o‘tgan edi.