Мбаппе отаси билан муносабатлари ҳақида гапирди

"Реал Мадрид" ва Франция терма жамоаси ҳужумчиси Килиан Мбаппе отаси билан муносабатлари ҳақида гапирди:

"Биринчи марта отам билан "Мен сени яхши кўраман" деган сўзларни айтганимда катта бўлиб қолган эдим. Лекин инсон улғайгани сари тушунади: отанг сенинг муваффақиятинг учун ўзини фидо қилса, бу эрталабки "Мен сени яхши кўраман"дан ҳам қимматли. Бизнинг орамиздаги муносабат сўзсиз ҳам бир-биримизни тушунишга имкон беради.

Мен яхши биламанки, у мени бутун жони-танаси билан яхши кўради. Мен ҳам уни шундай севаман. Бу фақат бошқача қараш. Шунингдек, машҳурлик – яъни ёшлигимдан оммавий ахборот воситалари эътиборига тушганим – бу муносабатларга "қобиқ" яратди. Мен одамлар шахсий нарсаларимга аралашишини истамасдим.

Энди эса Этан ҳақида: у деярли машҳурлик билан туғилди. 8–9 ёшлигидан имзолар берган, ҳатто имзоси йўқ пайтда ҳам. Буни таҳлил қилиш қизиқ – бу ота ҳаётининг эволюциясини ҳам кўрсатади", – деди франциялик юлдуз футболчи.