"Манчестер Сити"нинг ёш футболчиси "Ноттингем Форест"га ўтишга яқин

"Манчестер Сити" ва "Ноттингем Форест" Жеймс Макати трансфери бўйича келишувга яқин. Бу ҳақда Фабрицио Романо хабар бермоқда.

Манба маълумотларига кўра, "шаҳарликлар" ярим ҳимоячи учун "Ноттингем"нинг 25 миллион фунтлик таклифини рад этганди. Энди эса клублар ўртасидаги келишув якуний босқичда.

Маълум бўлишича, трансфер суммаси 20 миллион фунтдан ошади. "Ноттингем Форест" ушбу келишувни амалга оширишга ишонч билдирмоқда.

Эслатиб ўтамиз, 22 ёшли футболчи ўтган мавсум барча турнирларда 27 та баҳсда майдонга тушиб, 7 та гол урган.