Манба: Роналдунинг агенти яқин вақт ичида 3 та топ-клуб билан музокара бошлайди

Мана бир неча ойдирки, португалиялик ҳужумчи Криштиану Роналду "Манчестер Юнайтед"ни тарк этиб, Европанинг бошқа топ-клубига ўтиши ҳақидаги достон давом этмоқда.

Таниқли журналист Фабрицио Романо 37 ёшли форварднинг трансфери борасидаги бир қанча фактларни очиқлади.

"Челси"га Роналду хизматлари таклиф қилинди. Унинг агенти Лондон клуби билан трансферни муҳокама қилган, бироқ Тухель Криштиану билан бир жамоада ишлашни истамаган.

“Ишончим комилки, яқин вақт ичида Мендеш Роналду борасида харидорлар билан янги музокараларни бошлайди. Булар “Бавария”, “Атлетико” ва яна “Челси” каби жамоалар бўлиши мумкин”, — дейди Романо.

Маълумот ўрнида, Чемпионлар лигасида иштирок эта олмагани учун Роналду МЮни тарк этишга қарор қилди.