“Ливерпуль” Испания чемпиони “Барса”га керак бўлмай қолган ўйинчини чақиряпти

Англия Премьер-лигасининг амалдаги ғолиби “Ливерпуль” таркибдаги муаммоларни бартараф этиш мақсадида ёзда янги трансферларни амалга оширишни мўлжаллаяпти.

Caught Offside нашрининг ёзишича, “Реал” нишонида турган Иброҳим Конате клуб билан шартномани узайтиришни рад этганидан кейин ливерпулликлар “Барселона” марказий ҳимоячиси Рональд Араухони олишга қарор қилди.

Экспертларнинг таъкидлашича, уругвайлик футболчининг трансфери “Ливерпуль”га 50-60 миллион еврога тушиши мумкин. Бироқ бу ўйинчига “Тоттенхэм” ва “Челси” каби қудратли клублар ҳам даъвогарлик қиляпти.

“Барселона” Рональд Араухо билан амалдаги шартномани 2031 йилнинг ёзигача узайтирганига қарамай, яхши таклиф чиқса, ўйинчини сотиб юборишга тайёрлигини билдирган.