"Lion"ning bu mavsumdagi maqsadi qanday?

Frantsiyaning "Lion" klubi sport direktori Junino Pernambukano jamoaning mavsumdagi maqsadi haqida gapirib o‘tdi.

“Hozir bizning asosiy maqsadimiz raqobatchilarimiz bilan oradagi farqni qisqartirish va buning ortidan qishki tanaffus oldidan 3-o‘rinni qo‘lga kiritishimiz mumkinligiga ishonchimiz ortishi”, - deydi braziliyalik funktsioner.

Ma’lumot uchun, “Lion” bundan avvalroq Silvinoni bosh murabbiy lavozimidan ozod etgan edi. Jamoa rahbariyati esa uning o‘rniga Arsen Venger va Loran Blan nomzodlarini ko‘rib chiqmoqda.

“Lion” ayni damda Liga 1 musobaqa jadvalida 14-o‘rinda bormoqda. Ularni 4-o‘rinda borayotgan “Anjer” bilan bor yo‘g‘i 7 ochko ajratib turibdi.