Лига 1 тўпурарларидан бири "Ноттингем Форест"га ўтиши мумкин

"Ноттингем Форест" жамоаси ҳужум чизиғини кучайтириш устида иш бошлади. Клубнинг трансфер мақсадлари рўйхатига "Ренн" ҳужумчиси Арно Калимуэндо киритилди. Бу ҳақда Фабрицио Романо маълум қилди.

Манбанинг хабар беришича, инглиз клуби франциялик футболчини сотиб олиш бўйича "Ренн" билан музокараларни йўлга қўйган. "Ноттингем Форест" форвардни 30 миллион еврога қўлга киритишни режалаштирмоқда. Франция жамоаси раҳбарияти ҳозирча ушбу таклифни кўриб чиқмоқда.

"Ренн" етакчиси ўтган мавсум 34 та ўйинда 18 та гол уришга муваффақ бўлди. Ҳужумчи Франция чемпионатининг тўпурарлари рўйхатида учинчи ўринни эгаллади. Transfermarkt маълумотларига кўра, 23 ёшли футболчи 22 миллион еврога баҳоланмоқда.