Левандовски бошқа жамоага ўтмоқчи

“Барселона” тўпурари Роберт Левандовски Каталонияни тарк этиши мумкин. Бу ҳақда Todofichajes нашри хабар тарқатди.

Манбанинг таъкидлашича, польшалик ҳужумчига Саудия Арабистони, АҚШ ва Германия чемпионатларидан жиддий таклиф бўлмоқда.

Левандовскини Дортмунднинг “Боруссия” жамоаси ўз сафига қайтармоқчи. Сўнгги маълумотларга қараганда, футболчининг ўзи ҳам собиқ клубига қайтиш истагини билдирган.

Трансфер мутахассислари “Барселона” ҳам жамоага катта фойда келтираётган ўйинчини қўйиб юборишга тайёр эмас.

35 ёшли форвард жорий мавсумда барча турнирларда 14 марта майдонга тушиб, рақиблар дарвозасини саккиз маротаба ишғол қилган ва тўртта ассист қайд этган.