La Ligadan chiqib ketgan klub nomi ma’lum bo‘ldi
Evropaning “top-5” ligalari qatoriga kiruvchi Ispaniya chempionatining yuqori divizionini tark etadigan birinchi jamoa “Valyadolid” bo‘ldi.
La Liganing 33-turida “Valyadolid” futbolchilari Sevilya shahrida “Betis” jamoasi mehmoni bo‘lib yirik – 1:5 hisobida mag‘lubiyatga uchradi.
Bu natijadan keyin valdolidliklar ligada qolish imkoniyatidan ayrildi.
Ayni paytda 33 ta uchrashuvda atigi 16 ochko jamg‘arib, 20-o‘rinda turgan “Valyadolid” chempionat yakunlanishiga besh tur qolganida ligada qolish imkonini beruvchi 17-o‘rindan 18 ochkoga orqada qolib ketdi.
Achinarli tomoni shundaki, bu jamoa futbolchilari chempionatning oxirgi 14 ta bellashuvida atigi bir ochko jamg‘argan xolos.
Fikrlar