"Кристал Пэлас" Европа лигасига оид апелляцияда мағлуб бўлди

"Кристал Пэлас" Европа лигасида иштирок этиш ҳуқуқи учун қилган апелляцияси рад этилди. 

Аввалроқ УЕФА Англия кубоги ғолиби бўлган лондонликларга турнирда ўйнашга рухсат бермаганди, чунки июнь ойигача клуб "Лион" билан бир хил эгаси — Жон Текстор қўлида бўлган. Шу сабабли клуб Конференциялар лигасига ўтказилган эди.

"The Times" нашрининг хабарига кўра, CAS (Спорт арбитраж суди) бу қарорни ўзгартишсиз қолдирди. Шу тариқа, Европа лигасида "Кристал Пэлас" ўрнига "Ноттингем Форест" ўйнайди.

Лондон клуби қарорни ўрганиб чиқади ва эҳтимол, компенсация учун даъво қилади. Маълумотларга кўра, Конференциялар лигасида қатнашиш Европа лигасига нисбатан 20 миллион фунтгача кам даромад келтириши мумкин.