Конор Макгрегор Трампдан 100 дона "олтин виза" сўради

Хабарингиз бор, АҚШ президенти Дональд Трамп 2025 йил 4 июль ўлка озодлик кунида сўзлаган нутқида 2026 йил 4 июль шарафига мазкур йилнинг 14 июнь санасида. Мазкур кун Трампнинг ҳам туғилган куни, "Оқ уй"да UFC эвенти бўлишини айтиб ўтди. Дақиқалар ўтар-ўтмаc дунёнинг барча UFC жангчилари ушбу эвентда жанг қилиш истагини билдиришди. Уларнинг орасида UFC мега юлдузи Конор Макгрегор ва нафақадаги Жон Жонслар ҳам бор эди. Нафақадаги арслон бир марталик қайтиш қилмоқчи бўлганди. Треш толклар қироли ҳақиқатдан-да қайтишни режалаштириб юборди. Машғулотлар залида тез-тез кўзга ташланиб турган ирландиялик жангчи президентлик хомхаёлларидан воз кечди. Навбат UFCда шоу яратишга келди.

Ҳақиқатдан бу сафар Конор бизларни нима қилиб ажаблантира оларкин деган пайтимиз у ҳар сафар бунинг бир иложини топяпти. Бу гал у том маънода ақлдан озди. Акахон ушбу кечада жанг қилиш учун хизмат нархини эълон қилди — 100 млн доллар.

Криштиану Роналдунинг "Ан-Наср"да йилига 250 млн доллар олишини билган спорт ихлосмандлари ҳайратланмади, табиий. Лекин UFC организацияси 2024 йилда барча жангчиларга умумҳисобда 203 млн доллар тўлаган. Конор эса эркалаб юборди. UFC бир жангчига энг кўпи саудиялик сармоядорларнинг инвестицияси билан Конор ва Жон Жонсга 30 миллион доллардан берган. 30 миллиондан бирданига 100 миллионга сакраш учун ниманинг юрагини еди Макгрегор, билмайман.

Ҳали бу ҳолва. Булар-ку, Дана Уайтга қаратилган. "Найзанинг ўткир учи" сеҳрли диёр президенти Дональд Трампга йўналди — 100 дона олтин виза. Олтин виза атамасига аниқлик киритиб ўтай. Бир дона олтин виза тақрибан 5 млн доллар қийматига эга. Бу виза сизнинг Америка фуқороси бўлишингизга йўл очади. Тасаввур қилинг, 100 нафар инсон учун олтин виза — 500 млн доллар. Бояги 100 млн долларни қўшсак, 600 млн доллар бўлади.