Jeyk Pol: "Kanelo"ni mag‘lub eta olishimga ishonaman"

Blogger va bokschi Jeyk Pol super o‘rta vazn toifasidagi Jahon chempioni Saul Alvares "Kanelo"ni mag‘lub etishiga ishonmoqda.

"Ikkimizning jangimiz boks olamidagi eng katta to‘qnashuvlardan biri bo‘lishiga ishonaman. Va uni mag‘lub etishga qodirligimni bilaman.

Buni eshitganlar kulishi mumkin, ammo Dmitriy Bivol "Kanelo"ning himoyasi juda kuchsizligini ko‘rsatdi. Uslub, masofa, tezlik va kuch jihatidan men Bivolga juda o‘xshayman.

Ringda qarama-qarshi kelganimizda, Saul uchun yaxshi bo‘lmaydi",-deydi Pol.