Жамоа келажагига ишонмаган суперюлдуз Мадридни тарк этадиган бўлди

Мадриднинг “Атлетико” клуби ҳужумчиси  Хулиан Альварес жамоа келажагига ишонмай қўйди. Аргентиналик юлдузда Диего Симеоне бошқараётган лойиҳа муваффақиятига шубҳа уйғонди.

Diario Sport нашрининг ёзишича, Альварес агар ҳозирги жамоаси таркибида совринлар учун курашиш имкони бўлмаса, вақтида бошқа клубга ўтишни маъқул кўрмоқда.

“Атлетико” Европа Чемпионлар лигаси умумий гуруҳининг учинчи турида Лондонда “Арсенал”дан 0:4 ҳисобида мағлубиятга учради. Шундан сўнг, аргентиналик жаҳон чемпионатида жамоанинг келажагига бўлган шубҳа кучайиб кетган.

25 ёшли ҳужумчи атрофидаги вазиятни “Барселона” кузатиб бормоқда. Ёши ўтиб қолган Роберт Левандовски ўрнига бошқа тўпурар қидираётган каталонияликлар трансфер нишонлари рўйхатига Хулиан Альваресни ҳам қўшиб қўйган.

Агар Диего Симеоне ўз ҳамюртини Мадридда қолишга кўндира олмаса, “Атлетико” Альвареснинг трансферидан мўмай даромад ишлаб олишга ҳаракат қилади.  Transfermarkt портали бу ўйинчини 100 миллион еврога баҳолаган.