Иниго Мартинес нега "Ан-Наср"га ўтганини айтди

Иниго Мартинес "Барселона"дан кетиш сабаблари ҳақида гапирди. Ҳимоячи Каталония клуби билан шартномасини бекор қилди ва "Ан-Наср"га ўтди.

"Шартномам тугашига бир йил қолганди, мен 34 ёшдаман ва бундай вариантлар пайдо бўлганда - рад этиш қийин. Эҳтимол, агар шартномам муддати тугашига кўпроқ йил қолганида ўйлаб кўрган бўлардим. Қолаверса, "Барселона"да маошим жуда кам эмасди, оилам эса бундан мамнун эди.

Қарор осонликча қабул қилинмади, чунки мен хотиним ва қизларимни ўз ортимдан эргаштираман, аммо шуни аниқ айта оламанки, шартнома муддати узоқроқ бўлганда, мен узоқроқ ўйлаган бўлардим.

Бундай таклифни кўрганингда, ҳатто ишонмайсан ҳам. Ҳеч ким бундай шартномаларни кўришни кутмайди - ҳеч бўлмаганда мен. Бутун фаолиятим давомида футболда "пиёда" бўлганман, меҳнат ва тер эвазига зинапоядан кўтарилганман. Аммо бундай шартномани олганингизда, у сизни, ундан ҳам кўпроқ оилангизни ғафлатда қолдиради.

Молиявий жиҳатдан бу лигани бошқа лигалар билан таққослаб бўлмайди. Фаолиятимни ҳисобга олиб, "Барселона"га берганимни инобатга олиб, бу қадамни қўйишга қарор қилдим. Футболчининг фаолияти қисқа ва бу поезд келганда йўқ дейиш қийин", - дейди Иниго Onda Vasca нашрига берган интервьюсида.