Илкай Гюндоган: “Манчестер Сити" доим қалбимда қолади”

Ёзги трансферлар ойнасида “Манчестер Сити”дан Туркиянинг “Галатасарай” клубига кўчиб ўтган Илкай Гюндоган жамоа мухлисларига хайрлашув мактубини йўллади.

"Азиз “шаҳарликлар”,сизларга ростини айтишни истайман. Кетишимнинг сабаби жуда оддий. Мен ҳануз имконият борича кўпроқ футбол ўйнашни хоҳлайман, чунки бу менинг энг севимли машғулотим. Тез орада 35 ёшга тўламан, лекин ўзимни аъло ҳолатда ҳис қиляпман ва Чемпионлар лигаси даражасидаги жамоада юқори савияда ўйнашда давом эта олишимга чин дилдан ишонаман.Бундан ташқари, энди болалигимдан севиб келган клубимга, мен учун жуда катта аҳамиятга эга бўлган мамлакатга қўшилиш имкониятига эгаман.

“Манчестер Сити” буюк даврдан сўнг янги даврни бошлашни хоҳлаётганини тушунаман ва ҳурмат қиламан. Бу улкан клуб йиллар давомида менга берган ҳамма нарсани ҳеч қачон унутмайман. Бу ерда ўтган вақтимнинг катта қисми фантастик ва нихоятда муваффақиятли бўлди. Клуб ҳамда Манчестер шаҳри менинг қалбимда доимо алоҳида ўрин эгаллайди.

Мен барча жамоадошларимга, раҳбариятга, клубда меҳнат қилаётган инсонларга, мухлисларга ва, албатта, бу ажойиб даврни имконият қилган Пепга чуқур миннатдорчилик билдираман. “Сити”ни улкан миннатдорлик билан тарк этаяпман — бутун оилам номидан сизларга ташаккур!"