Igor Sergeev: "Tobol”dan haydalganim haqida chiqayotgan xabarlar mutlaqo yolg‘on!"

O‘zbekiston milliy terma jamoasi hujumchisi Igor Sergeev “Tobol” bilan xayrlashdi. Mahoratli hujumchimiz Tailandning "Patxum Yunayted" klubi safiga borib qo‘shiladi. O‘zbekistonlik hujumchi "sariq- yashillar" muxlislariga murojaat qildi:

"Ayni damda menga Tailand klubidan taklif tushdi va shu bois bu taklifni qabul qilishga qaror qildim. Men biror narsani o‘zgartirishni, davom etishni, yangi tajriba olishni xohlardim. “Tobol” bilan shartnomada boshqa jamoaga ketish huquqim borligi haqida band borligini ham qayd etaman. Bu erda hamma narsa professional edi. Klub rahbariyatiga tushungani va ketishimga ruxsat bergani uchun minnatdorchilik bildiraman. Lekin matbuotda meni “Tobol”dan haydalganim haqida tinmay gapirayotgani mutlaqo bema’nilik. Klubga nisbatan xafagarchilik yo‘q.

Bu erda bo‘lgan barchaga - klub rahbariyatiga, murabbiylar shtabiga, futbolchilarga va, albatta, ulkan muxlislar armiyasiga rahmat aytmoqchiman.

Menda faqat "Tobol" haqida eng iliq xotiralar qoladi. Hammasi uchun samimiy rahmat!", - dedi Sergeev. 

Eslatib o‘tamiz, 30 yoshli hujumchi "Tobol" safiga 2021 yilda kelib qo‘shilgan edi.