Here we go! "Манчестер Сити" ярим ҳимоячиси Германия клубига ўтади

"Манчестер Сити"нинг 19 ёшли футболчиси Клаудио Эчеверри Германияга кўчиб ўтмоқда. 

Фабрицио Романо хабар беришича, "шаҳарликлар" "Байер" билан ижара бўйича келишиб олишди. Шартномада сотиб олиш банди йўқ. Тез орада аргентиналик ҳужумкор ярим ҳимоячи Германияга тиббий кўрикдан ўтиш учун йўл олади. 

"Манчестер Сити" Эчеверрини 2024 йилда "Ривер Плейт"дан 18 миллион еврога сотиб олганди. Футболчи ярим мавсумдан кейин манчестерликлар сафига қўшилди. У клублар ўртасидаги Жаҳон чемпионатида битта ўйинда майдонга тушиб, битта гол уришга муваффақ бўлган.