Ҳамзат Чимаев қачон октагонга қайтади? Дана Уайт жавоб берди

UFC раҳбари Дана Уайт машҳур чеченистонлик жангчи Ҳамзат Чимаев октагонга қачон қайтиши мумкинлигини айтди.

Уайтнинг сўзларига кўра, унинг қайтиши 26 октябрь куни Абу-Дабида (БАА) ўтказилиши режалаштирилган UFC 308 турнирида содир бўлиши мумкин.

Эслатиб ўтамиз, Чимаев соғлиғи билан боғлиқ муаммолар туфайли Австралия вакили Роберт Уиттакер билан жангни бекор қилишга мажбур бўлганди. Уларнинг тўқнашуви кеча 22 июнь куни UFC on ABC 6 турнирида бўлиб ўтиши режалаштирилганди.

UFC раҳбарияти Чимаев ўрнига ушбу жангга бошқа бир россиялик жангчи – Икрам Алискеровни қўйди. Жанг эса Уиттакернинг биринчи раундда техник нокаут эвазига ғалаба қозониши билан якунланди.

Ҳамзат аралаш яккакурашлар бўйича жами 13 та жанг ўтказиб, уларнинг барчасида ғалаба қозонган.