Эллиотт Германияга кетмайди, АПЛнинг бошқа клубига ўтади

Харви Эллиотт "Ливерпуль"дан "Астон Вилла"га кўчиб ўтади. Бу ҳақда инсайдер Фабрицио Романо маълум қилди.

Манба маълумотларига кўра, клублар ярим ҳимоячини 35 миллион фунт стерлинг эвазига мажбурий сотиб олиш шарти билан ижарага олиш бўйича келишувга эришди. Ҳозирда футболчининг тиббий кўрикни ўтказиш масаласи муҳокама қилинмоқда.

Аввалроқ, хавбекка Германиядан "РБ Лейпциг" қизиқиш билдарган эди.

Ўтган мавсумда Эллиотт Англия Премьер-лигасида 18 та ўйинда иштирок этиб, 1 та гол урган ва 2 та голли узатмани амалга оширган.